Actividades Novembro 2023

Chegou o mes de novembro e ademáis de choiva chega cheo de actividades. Para comezar o mes teremos este venres ás 19:30h no Auditorio do CMUS un ensaio de portas abertas da nosa nova banda, a Wind Rock Band, que nos amosará unha parte do traballo realizado ata agora. Ademáis da gran cantidade de audicións en todo o mes, na semana de Santa Icía contaremos con tres concertos no  noso Auditorio: o luns 20 ás 19:00h un concerto de profesores e alumnado de Grao profesional, o martes tamén ás 19:00h un concerto con alumnado de Grao elemental e o mércores 22 os nosos profesores e alumnos de Grao profesional ofrecerannos outro concerto ás 19:30h. Como sempre teremos tamén pequenos momentos musicais no hall ás horas en punto o mércores, xoves e venres. Estade atentos ós carteis nos taboleiros.
Como sempre a asistencia é libre para tódalas actividades ata completar o aforo da sala correspondente.
Estades todas e todos concidados.